Na E.P.B. Santa Cruz un alumno a staca un otro cu un obheto skerpi den su wowo

Dialuna mainta tempran a drenta informe di un caso lamentable na E.P.B. Santa Cruz unda un mucha a hinka un otro mucha un pen den su wowo, mesora a dirigi tanto polis como ambulans na e sitio. Na yegada di e patruya a bin compronde cu e muchanan aki a bringa cu otro pasobra ambos ta amigo di cada un di e partidonan cu a bringa anteriormente na Palm Beach Plaza den e pelea un di e alumnonan a staka e otro cu un pen den su wowo. Na e sitio mes nan a saca e pen. Na yegada di ambulans nan a atende e victima y a transporte pa hospital pa unda nan mester check su wowo y cose e klep di su wowo. Polis entretanto a logra captura e agresor y a transporte pa warda di polis na Santa Cruz y a pasa e investigacion pa Kinder en Zeden Politie, debi cu aki ta trata di menornan di edad cual ta afilia na gangnan. E victima mes ta un hoben problematico y ta bibando na e Centro di Muchanan cu Problemana Dakota, ela yega di agredi un trahador na e sitio ey recientemente y tambe a agredi un trahador social.