Mayor a keda preocupa cu ela bay busca mucha na kleuterschool y e mucha no tabata tey

Dialuna merdia un dama a haya susto di su bida ora cu ela bay na un kleuterschool na Madiki pa busca un mucha y ta ser informa cu e mucha a ser busca caba, mesora ela bati alarma y a haci varios yamada te hasta a envolve polis den e asunto. Na yegada di e patruya na e school a bin compronde cu e mucha L.L. di 4 aña a ser busca pa un otro persona. Despues di cu e mensahe a plama rond via telefon y na radio emisoranan y hasta cu polis a ser envolvi, ata diripiente e mucha a ser haya bek.