Pro Diesel a ripiti su interes por escrito na Valero y Gobierno di Aruba

Pro Diesel a ripiti su interes por escrito na Valero y Gobierno di Aruba
Despues di a wordo sorpresa dialuna siman pasa cu no tin deal cu Petrochina

Despues di a tuma nota di e noticia sorpresivo dialuna pasa cu Petrochina no ta interesa por lo pronto den e refineria, ehecutivonan di e grupo Prodiesel a reitera nan interes pa tuma over e refineria. Riba 9 di september 2012 e grupo a reitera su interes na ehecutivonan di Valero cu copia pa e minister encarga cu Energiasr. Mike de Meza. Mr. Andin Bikker di PDR a expresa siman pasa di a haya e noticia di Gobierno caminda nan a manera rindi na e prospecto cu ta bay over pa lay-off gran parti di e trahadornan y bay den haci transshipment uno hopi straño paso ja un par di luna pasa caba PDR a informa publicamente cu ta al tanto cu tin un otro grupo cu no ta Petrochina, cu ta interesa den tuma e refineria over manteniendo tur empleado na trabow. E minister encarga cu Energia a confirma den un reunion di comishon fijo di Parlamento cu a wordo yama prome cu reces a peticion di PDR, di ta al tanto di e grupo Prodiesel pero cu gobierno kier duna preferencia na Petrochina. Sinembargo awor cu Petrochina a cay afor (si e tabata na mesa paso e expresionan di Valero y Gobierno parce ta contradeci otro) ta straño cu no a tuma contacto cu Prodiesel y a bay over di biaha pa acepta cu e refineria ta bay layoff trahadornan. Remarcabel ta cu desde siman pasa cu PDR a expresa su opinion, tin mas grupo cu a bin dilanti expresa di e tuma contacto cu Gobierno pa mustra nan interes. Tin di nan sinembargo mester observa un of mas tipologia di asina yama “non-disclosure agreement” y ta prefera pa consulta cu nan abogadonan con nan por (re)inicia e proceso di negociacionan. Por a tuma nota cu otro fraccionan tambe a expresa di ta al tanto di otro gruponan interesa den e refineria pero tur hende tabata bow imprecion (cual Gobierno mes a crea) cu Petrochina ta esun eligi cu lo bay tuma e refineria over. Pues ta comprendibel cu varios grupo a pone nan esfuersonan on hold bow di e impreshon cu nan no tin chens banda di Petrochina. Loke ta remarcabel tambe ta cu e minister encarga cu Energia a expresa varios biaha cu e opcion di transshipment no ta uno cu Gobierno kier observa paso pa bay den e direccion ey mihor Gobierno bay hasie su mes via un compania estatal. Pues e noticia cu Valero ta bay keda Aruba pa haci solamente transshipment tambe mester wordo aclaria dor di Gobierno di Aruba den lus den e expresionan ey di parti di e propio Gobierno. En todo caso un apelacion ta bay na Gobierno pa explora si un di e otro gruponan interesa, di cual en todo caso Petrodiesel a reafirma su interes, lo por ta un alternativa pa tene e refineria habri.