Polis a detene chofer burachi, cu a causa accidente, menasa hende y lanta contra polis na Sasakiweg

Diasabra madruga a drenta informe di un accidente na Sasakiweg na e cruzada banda di ex-Adventure Golf, mesora a dirigi un patruya an e sitio. Na yegada di e patruya mesora nan a nota un chofer burachi cu a ocasiona e accidente y a menasa hende y a lanta contra polis, mesora nan a detene. Ta asina cu e chofer aki ta esun cu no a duna preferencia y a pasa den lus cora ocasionando e accidente cu a tabata tin basta daño material y tabata rekeri takelwagen di papito Towing pa hala e autonan cu a keda memey di caminda na e cruzada.