Chofer coriendo cu velocidad halto a perde control baha caminda y a dal palo di luz den Avenida Milio Croes

Diasabra madruga a drenta infor di un accidente basta fuerte y cu hende herida den Avenida Milio Croes, mesora a dirigi tanto polis y ambulans na e sitio. Na yegada di e patruya a bin compronde cu un chofer coreindo cu velocidad halto pa un motibo of otro a perde control baha caminda y a bay dal riba un palo di luz. E impacto tabata basta fuerte y e chofer a resulta herida. Na yegada di ambulans nan a atende e victima y a transporte pa hospital.