Vehiculo di ambulans bayendo un asistencia cu urgencia a bay dal riba un auto cu a pasa den luz berde

Diamars merdia a drenta informe di un accidente basta serio unda un ambulans cu tabata bayendo cu urgencia pa un asistencia banda di Ritz Carlton a bay dal den banda riba un auto na e cruzada di luznan di trafico banda di ex-Adventure Golf. mesora a dirigi varios patruya como tambe ambulans na e sitio. Na yegada di e prome patruya a bin compronde cu aki ta trata di un accidente unda e ambulans cu tabata bayendo cu zwaailicht y sirena riba Sasakiweg bayendo nort a bay dal riba E Toyota Corolla shinishi A20487 maneha pa un dama cu tabata bini di Bubali bayendo pabao. E impacto tabata fuerte y e dama chofer a keda seriamente herida y den un situacion hopi delicado. E personal di e equipo di rescate di bombero tambe a presenta na e sitio y a duna asistencia. Na e sitio e personal di ambulans envolvi den e accidente a duna asistencia na e dama y na yegada di un otro ambulans nan a tuma e victima over y a transporte pa hospital. Aki un rato e video lo ta disponible online.