Atraco falso na Suerte Dimi Cubo a resulta malasuerte pa dama ya cu nan a detene pa entrega keho falso
Diamars atardi pa anochi atraco team cual ta trahando hopi duro pa resolve e casonan di atraco, a termina cu nan investigacion den un tempo record di e atraco di dialuna anochi riba e lugar di bende number na Wilhelminastraat. E investigacion a comproba cu ningun hende a comete atraco na e sitio Suerte Dimi Cubo y e oficialnan a pidi e dama pa e presenta na warda di polis na Oranjestad pa asina nan atende e caso un poco mas avanza. Na su yegada na warda di polis eynan e oficialnan di atraco team mesora a informe cu nan a detene pa entrega un keho falso di atraco y como tambe ladronicia di e placa di e lugar di bende number. Nan a pidi e dama pa e yabi di auto y pa haci un revision den e auto unda e oficalnan a bin haya parti di e botin cu e dama a horta.
