Tin un wega sushi cu ta ser haci contra clientenan cu ta gusta Coca Cola!

Mas y mas por mira un boycot cu ta ser haci contra e clientenan cu ta gusta Coca Cola y Sprite, hopi negoshi ta ser ofreci refresconan di un otro marca na un prijs reduci cu e unico meta pa e negoshinan saca Coca Cola for di nan productonan pa asina otro marcanan por ser bendi. Ya caba den pasado a sali na cla cu ora bo pidi un whisky-coke ta cu Coca Cola e mester ser traha y no otro marca cu no ta pas pa e bebida aki. Ultimo temponan aki por nota cu te hasta na cierto Snacktruck ta purba bende e otro marca pero e clientenan ta disgusta y ta prefera bay otro sitio djies pa no bebe e refresco di e marca cu nan no ta gusta. Na algun restaurant cu a haya e reclamo di cu ora nan pidi Coca Cola y e waiternan trece otro marca di cola, awor ta bisando e clientenan pa ora pidi Coca Cola nan mester pidie den bleki. Ta con por tin comerciantenan abusador cu NO KIER cumpli cu locual e cliente (cual supuestamente lo mester ta e rey) pidi y ta pushe cu otro cos (ordinario) cu e no a pidi! Ta varios hende a cuminsa schrap for di nan lista e lugarnan cu ta boycotiando Coca Cola!

Nota di redaccion: Esaki ta un publicacion treci dilanti despues di cu a haya varios reclamo y no ta trata di un propaganda!