Caso confuso na Madiki a pone polis y ambulans rondea den vecindario pa atende un caso lamentable

Diahuebs atardi a drenta informe di un accident cu hende herida patras Bam Bam Café, mesora a dirigi tanto polis como ambulans na e sitio. Yegando na e sitio e patruya a bin compronde cu aki no ta trata di un accidente, pero di un persona cu lo a bira malo y ta tira abou na un apartamento berde. Mesora polis a cuminsa busca e apartemento berde concerni pero no a encontre. Polis y ambulance a dicidi di separa for otro pa asina wak si por logra haya e homber. Ta te na un compleho di apartamento na Caya Frere Tarcicius a bin haya e homber sinta riba vloer y a puntre kiko realmente a pasa, nan a bin compronde cu aki ta trata un persona cu a haya problema cu su pareha na cas unda tabata tin un pelea durante mainta. Ela notifica ambulance cu for di mainta e no a come nada polis a wak paden apartamento i a wak con varios potret di e guy y e señora mama di su yui kibra tira riba vloer aki a cuminsa pensa mas riba problema familiar y no di salud. A puntra e homber pa su A.Z.V. card pero e homber a declara cu e no tin. Ambulance a bise cu e no por yude y a lague na e sitio paso pa hibe so lo sali e $250 unda awo e homber no tin caminda cana aki. Polis a notifica slachtofferhulp unda esaki a pidi instancia manera social zaken pa purba papia cu e persona ya cu e ta bai direccion depresivo y mirando e tin un baby envolvi y e mama no ta worry cu ningun di nan dos, a involucra voogdijraad den e asunto aki mirando situacion aki.