Homber a accidenta den Miraflorweg cu un brommer horta, pero no kier a bay cu ambulans

Diabierna mainta a drenta informe di un accidente cu hende herida na Miraflorweg, mesora a dirigi tanto polis como ambulans na e sitio. NA yegada di e patruya a bin compronde cu aki ta trata di un accidente entre un auto y un brommer, pa colmo ta trata aki di un brommer cu a ser raporta como horta 2 luna pasa. Pa mas siguransa polis a confisca e brommer. E motociclista no tabata desea haya atencion di ambulans y a lanta cana bay aunke cu un poco dolor.