Polis a prohibi chofer cu tabata basta cansa y tabata core auto zigzag pa stuur y a laga un otro core p'e

Diadomingo anochi a drenta informe di cu tin un auto Suzuki Baleno berde cual su chofer ta basta cansa y tabata core zigzag riba caminda di Shaba bayendo direccion zuid, mesora a dirigi un patruya den e area. Na e snack pariba di rotonde Tanki Flip polis a bin encontra cu e auto y e chofer, polis a papia cu e chofer y a dune e oportunidad pa un otro persona stuur e auto pa bay cas.