Riba Sasakiweg chofer a desvia pa otro auto baha caminda y dal riba borchi di midi velocidad

Dialuna madruga a drenta informe di un accidente cu hende herida riba Sasakiweg dilanti di City1, mesora a dirigi tanto polis como ambulans na e sitio. Na yegada di e patruya a bin compronde cu e chofer di e Toyota Yaris blanco A27654 bayendo nort a desvia pa un otro auto y a bay dal riba e borchi di midi velocidad. E chofer di e Yaris no tabata tin su faha bisti y e impacto tabata fuerte y a bay dal su pecho riba e stuurwiel y su cabes na e windshield. Na yegada di ambulans nan a atende e victima y a transporte cu urgencia pa hospital.