Dama chofer di Hyundai Getz no a duna preferencia na e conocido cruzada di Paradera pa bay Jaburibari

Dialuna mainta a drenta informe di un accidente na e conocido cruzada di Paradera pa bay Jaburibari, mesora a dirigi un patruya na e sitio. Na yegada di e patruya bin compronde cu aki ta trata di un accidente unda e dama chofer di e Hyundai Getz biniendo di Jaburibari no a para pa duna preferencia na e chofer di e Daihatsu Zotye cu tabata bini di pariba y aunke e chofer di e Daihatsu a purba kita tog e impacto tabata inevitable. Afortunadamente ningun hende a resulta herida.