Na Madiki polis atento a logra captura homber sospechoso di ladronicia

Dialuna mainta durante cu polis tabata atendiendo un asunto na Madiki a bin nota un hoben sospechoso riba un bicicleta cu un maleta, djey a drenta un informe di cu un persona a tende alarma di un cas zona y a wak un hoben sospechoso cu flanel shinishi y carson cortico shinishi cu blanco y tabata tin un bril di solo bisti y cu un maleta. Mesora polis a bay su tras y a logra detene e sospechoso aki cual ta un persona conosi caba pa polis. Den su poder a haye cu celular joyas y tambe carchi di banco cu mas otro articulonan hinca den un maleta. Polis a confisca e bicicleta y tur e pertenencianan. Ela ser hiba na warda di Shaba unda eynan e lo ser interoga.