Auto a pasa den lus cora na e cruzada di lusnan di trafico na Wilhelminastraat y ocasiona un accidente

Diaranzon mainta a drenta informe di un accidente na e cruzada di lusnan di trafico na Wilhelminstraat Adriaan Lacle Boulevaard, mesora a dirigi un patruya na e sitio. Na yegada di e patruya a bin compronde cu e chofer di e Chevrolet Aveo cu tabata bayendo pabao den Wilhelminastraat a pasa den lus cora y e pickup cu tabata bayendo zuid den A. Lacle Blvd. tabata tin lus berde y a bay dal riba e Aveo blauw. E chofer di e Aveo tabata keha di dolor.