2 sospechoso a los tiro riba un persona den Avenida Alo Tromp, a logra captura un di e sospechosonan

Diadomingo atardi a drenta informe di un caso di tiramento den Avenida Alo Tromp, mesora a dirigi tanto polis como ambulans na e sitio. Na yegada di e patruya abin compronde cu 2 persona den un auto color oro a los algun tiro riba un persona y despues a bandona e sitio. E victima tabata tin un herida na su man y un otro na su pia. Na yegada di ambulans nan a atende e victima y a transporte pa hospital. Mientras un rato despues patruyanan a yega na un cas na Tarabana unda e auto tabata y a logra captura un di e 2 sospechosonan di tiramento mientras e otro a core bay. Polis a busca den e area pero no a logra encontra cu e otro sospechoso