Chofer a perde control baha caminda cay parcialmente den rooi na Sabana Liber

Dialuna anochi a drenta informe di un accidente cu hende herida na Sabana Liber, mesora a dirigi tanto polis como ambulans y tambe bombero na e sitio. NA yegada di e patruya nan a bin compronde cu e chofer di e Hyundai Getz blauw A28638 bayendo pabao despues di e birada a perde control baha caminda bolter y bay cay parcialmente den e rooi. Debi na e impacto e chofer a resulta herida y tabata keha di dolor di cabez y pecho. Na yegada di bombero a mesora a kita e wayanan di bateria y a brinda ayudo na yegada di ambulans pa saca e victima for di e auto cu ainda tabata wanta na 2 rama di mata y tabata teme cu e auto lo a bay sigui cay den e rooi. E personal di ambulans a atende e victima y a transporte pa hospital.