Preparacionnan den Elias Mansur Ballpark ta den full swing pa The Return of the Monster Trucks 2012

Durante weekend cu a pasa miembronan di The Brute Organization tabata presente den Elias Mansur Sports Park pa asina inspecciona y plania pa "The Return of Monster Trucks 2012". E show di "The Return of Monster Trucks 2012" ta birando uno sumamente grandi y e team di The Brute Organization ta trahando duro pa tin tur cos kla pa e gran evenemento aki. Diabierna awor tin un delegacion di The Brute lo ta saliendo cu Insel Air pa Merca. Nan lo topa tur e 6 monster trucknan y otro equiponan pa subi barco y sali rumbo pa Aruba. Greg Fuchs y Jack Willman cu ta conocido driver di TAURUS ta yegando Aruba pa'sina cuminsa prepara e pista den Elias Mansur Sport Park. Daltra ta haciendo un tremendo contribucion y ja caba entrega diferente autonan biew na Elias Mansur Ballpark. Arubaanse Mijn Maatschappij lo percura pa tur e tera cu tin mester pa traha e diferente rampanan cu monster trucknan y brommernan lo bai bula. Ta bai tin quad racers di Aruba Dirtbikers cu lo ta parti di e gran show aki banda di e extreme biker Tim Dyson. Dan Runte driver di BIGFOOT # 18 a bisa den un entrevista cu e no por warda pa yega Aruba y ja caba a challenge Avenger. Avenger cu tabata campeon di diferente evenementonan di Monster Jam y tambe a jega di gana e famoso Gravedigger. "The Return of Monster Trucks 2012" lo ta dianan 26, 27 y 28 di October den Elias Mansur Sport Park. Carchi lo sali e siman venidero pa solamente 35 florin pa persona y 2 mucha bow di 12 aña lo por drenta cu 1 carchi. Carchinan lo ta na benta na El Gallo Rojo, Tri-Bike Aruba, MIO Cayena Mall, MIO Dragon Store, MIO Arucell, Veterinario Contreras, Manuelitos y Kooltemp.