Dama chofer a habri porta pa coy bril cu a cay afo y e tambe a cay mientras auto a sigui bay dal riba cura

Diamars anochi a drenta informe di un accidente cu hende herida na Tanki Leendert, mesora a dirigi tanto polis como ambulans an e sitio. Na yegada di e patruya a bin compronde cu e dama chofer di e auto A21478 wardando su yiu na un veld den cercania, na dado momento su bril a cay afor di e auto y a habri e prota pa coy esaki. Ora ela bay rek pa coy e bril ela perde balans y a bay cay riba su mannan y rudianan pafor di e auto y e vehiculo a sigui bay dilanti y a dal riba e cura. E dama tabata sinti un tiki dolor na su planti mannan y rudianan pero no tabata desea asistencia di ambulans.