Advertencia serio na tur automobilista, tene boso papelnan di auto na ordo pa bo no keda na pia!

Tristo pa mira pero e ta un mester, ya cu un y tur mester sa e seriedad di e asunto aki cu automobilistanan ta purba tog core cu auto cual no tin su papelnan na ordo. Awor keuringskaart tambe ta ser controla y e servicio na D.T.I. Keuringslokaal a cambia y bo ta haya un afspraak den un siman y asina keda cla mas liher. Percura pa bo papelnan ta na ordo pa no pasabo locual a pasa cu e personan riba e foto aki cual a keda na pia despues cu e oficialnan di e brigada motoriza a para nan. E oficialnan aki ta haci nan maximo esfuerzo pa seguridad den trafico pa asina tur cos ta na ordo cual ta bon pa nos mes!