Pa keda altanto di e avance technologico computariza nos ta recomenda usa Google Chrome, Firefox, Safari

Manera varios di nos bishitantenan a ripara nos a haci algun cambio riba nos website. Den e ultimo dianan cada biaha cu nos a haci cambio nos a test esakinan riba:

- Google Chrome
- Safari
- Firefox
- Internet Explorer 7 y 8

Normalmente nos no ta test ariba IE9, paso IE9 ya caba ta basta serca di Chrome, Firefox y Safari.
Microsoft semper tabata core atras di e otronan den features nobo, mundialmente e popularidad di IE ta bahando drasticamente!
Wak e grafiek aki: (foto adhunto)
http://en.wikipedia.org/w/index.php?title=File:Usage_share_of_web_browsers_(Source_StatCounter).svg&page=1

Aruba no por keda atras, usando IE ta un crimen contra e pueblo. Nos sugerencia ta pa convence mas hende pa usa Chrome/Firefox paso nan ta simplemente mas mihor.

En todo caso, nos a haci test ariba IE9 y tur cos ta traha bon. Algun computer cu IE9 cu ainda por impedi un bon funcionamento ta un cache bieuw. Bo por forsa un hard refresh door di usa CTRL+R of bai den bo internet explorer settings y clear e cache. Nos techniconan cybernetico ta trahando riba un solucion ainda pa algun cu keto bay tin problema pero un cos ta sigur cu si bo usa Chrome/Firefox bo no lo wak e problemanan aki.

Normalmente e cache tin un expire date di algun siman, y maske cu nos tin regla poni pa forsa cambionan nobo, e sa pasa cu no ta tur biaha e cambionan aki ta wordo detecta door di internet explorer anto ta pone cu nan ta wak error paso algun pieza nobo no ta fit mas den e puzzle bieuw.

awe24.com yudando Aruba cu adelanto den technologia cybernetico.

p.s. awe24.com ta sugeri pa usa otro browser no pa un cuestion di opinion ni favorece of defavorece un of otro browser, pero masbien esaki ta un sugerencia di nos top conseheronan (profesionalnan certifica) pa sugeri esaki.