Auto misterioso a ocasiona accidente na jaburibari y esnan den e auto a bandona e sitio

Diahuebs anochi a drenta informe di un accidente basta pisa cu hende herida benta riba caminda un poco panort di Parke Curason na Jaburibari, mesora a dirigi tanto polis como ambulans na e sitio. Na yegada di ambulans a bin topa cu e vehiculo envolvi pero no tabata tin ningun hende na e sitio. Na yegada di e patruya nan a bin topa e Dodge Neon completamente destrui y for di testigonan cu tabata patras di e auto aki, nan a wak e ta core roekeloos y a bay pasa auto. Pa su mala suerte net tabata bin trafico contrario y ela bay trata na drenta bek pero no ta logra y ta dal ariba e palo di luz. E impacto tabata hopi fuerte si mira con e auto a keda y articulo nan cu tabata den e auto a spart tur rond. presencia di bombero tambe a ser solicita ya cu e auto tabata hole kima. Segun comentario nan na e sitio e persona nan aki lo mester a haña un of otro sla interno, mirando con e auto a keda. Straño tambe ta cu no a haña niun rastro di sanger. Autoridadnan a rondea e area pa wak si nan ta haña hende pero sin resultado. Lo tabata trata di dos cabayero cu lo a bandona e sitio mes ora. Dos persona a ser señala ta cana bay zuid dilanti Parke Curason un di nan tabata solamente den un short, posibilidad ta grandi cu ta e dos persona nan envolvi den e accidente. Kiko ta e motibo cu nan a bandona e sitio tampoco ta conoci,e auto su plachi number tampoco ta cuadra.