MONSTER TRUCKNAN cu parade di Waf pa Renaissance Market Place dia 19 di Oktober!

Diahuebs mainta a tuma lugar e conferencia di prensa di The Return of Monster Trucks 2012 na Renaissance Marketplace presenta pa The Brute Racing Organization. The Brute a anuncia cu tur preparacionnan ta bayendo hopi bon y expectativanan ta grandi pa The Return of Monster Trucks 2012 cu lo tuma lugar den Elias Mansur Sport Park dianan 26, 27 y 28 di October venidero. Presente tabata tey representantenan di varios patrocinadornan y nan tambe a hiba palabra.
E weekend aki miembronan di The Brute hunto cu Team Aruba lo ta biahando pa e homebase di Team Aruba cual ta Union, South Carolina. Aki tur 6 monster trucknan lo ta yegando di tur parti di Merca. Nan lo ta teniendo un display di tur truck pa tur esnan cu ta biba na Union y e areanan den cercania. Despues di e display aki nan lo subi caminda pa Fort Lauderdale, Florida unda cu tur e monster trucknan mester tey pa subi barco.
Tur 6 monster trucknan lo yega Aruba Diabierna, October 19. Lo ta bai tin gran parada saliendo di waf pa Renaissance Marketplace. The Return of Monster Trucks 2012 ta hopi orguyoso di bisa cu nan lo ta bai ta parti di e Monster Shopping Extravaganza durante di e weekend ey. Tur 6 monster trucknan, Extreme Biker di Tim Dyson, Quad Racers di Aruba Dirt Bikers lo ta parti di e parada y lo para na differente sitionan di Renaissance Marketplace pa tres dia. Aki un y tur lo por goza di un weekend pa haya chance pa saca potret cu e monster trucknan manera BIGFOOT, AVENGER, CHALKBOARD Chulk y mucho mas.
Preparacion ta den full swing kiermen wak pa bo no perde e show di aña. Tickets lo sali otro siman y lo ta obtenibel na Dragon CD & Electronics, El Gallo Rojo, Mio Cayena Mall, Kooltemp, Fun Miles, Manuelito’s Sports Bar, TRI-BIKE y Veterinario Contreras pa solamente 35 florin pa persona y 2 mucha bow di 12 aña cu 1 ticket.