Culpablenan di a cende trailer na candela, a tribi di bay pasa dilanti e trailer net ora polis tey y a detenenan

Diabierna mainta durante cu polisnan tabata atendiendo e caso di e trailer na candela y tabata papiando cu e muher cual tabata duna declaracion di e sospechosonan, diripiente e ta mira e mesun auto cual e sospechosonan a huy despues di a cende e trailer na candela y ta avisa polis di esey y ora a wak esnan den e auto a reconocenan como e authornan di e incendio intencional. Polis a para nan eynan mes mesora y a detene nan. E chofer a duna indicacion cu esaki probablemente ta pasobra e muher lo ta bende su ruman chikito droga y muy probablemente pa e motibo ey e lo a cende e trailer na candela. Esaki no ta e sistema di tuma ley den man pero tin un proceso cual mester sigui y awor e ta deteni pa un delito hopi mas serio. Recherche a tuma e sospechosonan over y a hiba nan na warda.