Dilanti Valero Palm Beach dama chofer a desvia pa un auto cu a sali su dilanti y a bay dal riba trafico contrario

Diabierna merdia a drenta informe di un accidente cu hende herida dilanti Valero Palm Beach, mesora a dirigi tanto polis como ambulans na e sitio. Na yegada di e patruya abin compronde cu aki ta trata di un accidente unda e dama chofer di e Suzuki Swift cora A50307 bayendo pariba a haye obliga di desvia pa un otro auto cora cu a sali su dilanti na Valero, su reaccion pa e desviacion aki a mande bay na e banda robez di caminda y a bay dal frontal riba e Ford Focus blauw A51650 cu tabata bayendo pabao. E impacto tabata asina fuerte te cu e dama chofer di e Swift, e dama chofer di e Ford mas un ocupante di e Ford a resulta herida pero nan no tabata desea atencion medico di ambulans pero a keda di bay hospital y/of dokter riba nan mes.