Dama chofer no a duna preferencia y a ocasiona un accidente cu 3 hende herida na Paradera

Diabierna atardi a drenta informe di un accidente cu hende herida na e cruzada pariba di e santana di Paradera, mesora a dirigi tanto polis como ambulans na e sitio. Na yegada di e patruya a bin compronde cu e dama chofer di e Kia Rio color di oro A7103 cu tabata bini di zuid pa bay nort no a para pa duna preferencia na e Toyota Yaris blanco A39131 cu tabata bini di pabao bayendo pariba y e Yaris a dal riba e Rio e impacto tabata asina fuerte cu e dama chofer di e Rio y e chofer di e Yaris como tambe un mucha den e Yaris a resulta herida. Na yegada di e 2 ambulansnan nan a atende e 3 victimanan y a transporta nan tur pa hospital.