Dama a kita bay na man robez y a bay dal den banda riba auto di direccion contrario na Palm Beach

Diabierna anochi a drenta informe di un accidente cu hende herida banda di Lekker na Palm Beach, mesora a dirigi tanto polis como ambulans na e sitio. Na yegada di e patruya a bin compronde cu e dama chofer di e Kia Optima grijs A1753 bayendo pariba banda di Lekker a pasa bay banda robez di caminda y a dal den banda riba e Chrysler Neon cora A35408 despues e Kia a sigui bay dal riba un transformatorhuis. Ambos dama chofer a resulta herida, na yegada di e ambulansnan nan a atende e victimanan y a transporta nan pa hospital.