Atraco arma na Rey Hing Bar Restaurant na Pos Chikito, e atracador a ser herida cu botter na cabez

Diasabra marduga a drenta informe di un atraco arma na Rey Hing Bar Restaurant na Pos Chikito, mesora a dirigi diferente patruya na e area. Na yegada di e prome patruya a bin compronde cu un atracador color cla di entre 20 y 25 aña lo a drenta cu capuchon y bril di solo bisti papiando bon papiamento cu un arma di candela den su man. Ela drenta y a bisa e cos aki ta serio y a pone e arma di candela na un cliente su frenta. Un dama cu kier cu a bay pa mishi cu su Blackberry esaki a ser kibra door di e atracador aki tambe. Un homber balente den e luga a spera e momento y a pasa man pa su boter di cerbes y a dal e atracador riba su cabes. Eynan atracador a sali na careda y e homber balente su tras.
Ela sigi e persona aki tras di e luga caminda e ta desaparece den scuridad.
Asina mes e atracador aki a logra bay cu placa, cuanto no ta conoci.
Polis nan motorisa a ser manda tambe un poco mas pabou esta na Rancho Clemente unda nan lo a señala un persona sospechoso, nan a controla pero no a haña ningun hende. Atraco Team a ser avisa di e atraco aki y a presenta na e sitio pa asina inicia cu e investigacion.