Na Calabas 4 palo di lus a bini misteriosamente abao lagando e area rond sin coriente

Diasabra merdia a drenta informe di cu 4 palo di lus a bini abao na Calabas, mesora a dirigi polis, bombero y Elmar na e sitio. Na yegada di e patruya a bin encontra cu bomberonan cual ya tabata ta na e sitio. En berdad tabata tin 4 palo di lus cual tabata benta abao riba caminda y a laga full rond eybanda sin coriente. Bisiñanan a relata cu aki por ta trata di un temblor pero tambe biento fuerte, pero locual tabata mas visible cu e palonan di lus aki ta hopi fofo y varios di nan ta schuin y cu un tiki biento fuerte e por a pone net un tiki presion dimas riba un di e palonan di lus cu transformer y esaki a ranca e otronan tambe bay cu ne. Afortunadamente ningun hende a resulta herida.