Na e cruzada dilanti Codemsa na Cumana chofer di Ignis a tuma birada mucho grandi y a bay dal frontal

Diasabra atardi a drenta informe di un accidente dilanti Codemsa na Cumana, mesora a dirigi un patruya na e sitio. Na yegada di e patruya abin compronde cu e chofer di e Suzuki Ignis shinishi A25220 cual tabata bini di Avenida E.J. Watty Vos a bay bira pa bay direccion Santa Cruz pero a tuma e birada mucho grandi y a bay dal riba e Pick-up dobbel cabina cora A41134 cual tabata bini di Santa Cruz y tabata para den e sorteervak pa bay drenta Avenida E.J. Watty Vos. Afortunadamente ningun hende a resulta herida.