Na Sabana Liber dama chofer a perde control baha caminda bolter bay cay den greppel

Diadomingo mainta a drenta informe di un accidente cu hende herida pega den auto den e greppel na Sabana Liber, mesora a dirigi tanto polis ambulans como tambe e equipo di rescate di bombero na e sitio. Na yegada di e patruya a bin compronde cu e dama chofer di e Toyota Corolla shinishi A53486 a perde control y a bolter bay cay den e greppel, e dama tabata herida y tabata dificil pa saca e for di e auto ya cu e auto a keda den su banda y tabata tambalea. Na yegada di ambulans nan a atende e dama mientras a spera riba bombero. Na yegada di bombero mesora a pone un support pa asina e auto no tambalea mas y asina por logra saca e victima. Despues di a logra saca e victima ambulans a transporta e dama pa hospital. Wak e video den algun instante..........