Chofer no a duna preferencia na e cruzada prof.Lorentzstraat Emmastraat y a ocasiona un accidente

Dialuna madruga a drenta informe di un accidente cu hende herida na e cruzada prof. Lorentzstraat Emmastraat, mesora a dirigi tanto polis como ambulans na e sitio. Na yegada di e patruya a bin compronde cu aki ta trata di un accidente unda un chofer cu tabata bayendo zuid den Emmastraat no a para pa duna preferencia na un auto cu tabata bayendo pariba den prof. Lorentzstraat. E impacto tabata basta fuerte y e chofer cu no a duna preferencia y no tabata tin su seatbelts bisti a dal y kap su wowo. Na yegada di ambulans nan a atende y a transporte pa hospital.