"Juana La Cubana" aparentemente bao influencia a haci bochincha dilanti snacktruck, polis a bay scual e formal

Dialuna madruga a drenta informe di cu un dama Cubana ta haciendo bochincha dilanti di un snacktruck na Noord, mesora a dirigi un patruya na e sitio. Na yegada di e patruya nan a cuminsa tende e version di e dama mientrastanto a yega un van cu cantidad di polis cu tambe a baha wak kiko tabata pasando. A bin resulta cu e dama a yega hunto cu un caballero na e snacktruck e dama a keda sinta den e auto mientras e caballero a baha y a haci su pedido. Na un dado momento e pannan a keda cla y e caballero a puntra e dama si e kier ciboyo den su pan y e dama a bisa si y e caballero a pone e ciboyo den e pan di e dama y a hiba esaki na e auto. Despues di 2 hap e dama a baha for di e auto cuminsa zundra e doño di e truck reclamando cu dikon e koki a pone pica den e pan, e koki a splike bon cla cu e no a pone pica den su pan, pero e dama no kier a rasona y a sigui cu insultonan cu e ta alergico pa pica cu e por muri pa via di pica. E koki cu su santo pasenshi a splike cu e no ta pone pica den e pan pero cu esaki por ta den e ciboyo tempera pero mihor e dama check cu e caballero cu ta cune ya cu probablemente ela pone ciboyo cu promente den dje, e dama a bisa pa yama polis prensa etc. etc. bisando cu e ta un dama di Cuba y cu aki e koki kier mate etc. etc. Despues di esey e caballero a baha bisa e dama cu ta e mes a basha e ciboyo tempera cu pica den e pan y e no tin nodi zundra e koki. Es mas e caballero a sigui bisa warda e ta bestel un otro pan y e no ta pone e ciboyo den dje e biaha aki. Pero e dama Cubana aki no kier a rasona y e caballero a purba di tur manera splica e dama pero nada e dama a keda zundra y eynan polis a hala su atencion y e caballero como tambe e dama a bandona e sitio.