Ladronnan a horta den mas di 10 auto di anochi pa mainta, ladronnan ta sigui cu e fiesta di hortamento

Dialuna mey anochi pa mainta ladronnan a kibra den mas di 10 auto, mayoria den e area di Noord. Na Noord habitantenan a nota un sospechoso ta purba kibra den auto pero manera cu e ladron a ripara cu habitantenan a lanta ela core bay lagando su rugtas atras. Na L.G. Smith Blvd. tambe ladronnan a kibra den 2 diferente auto. Na Seroe Janchi tambe a kibra horta for di algun auto mientras na un cas eybanda tambe a horta un wasmachine completo. Na Paraguana ladronnan a bolbe kibra horta den 3 diferente auto. Na Cumana tambe a kibra drenta horta den auto. Tin mas caso di hortamento di auto pero nan ta mucho hopi pa bay cubri tur. Hecho ta cu esaki ta alarmante pa un comunidad chikito.