Homber a resulta herida cu boormachine den su pecho na Superfood na Bubali

Dialuna atardi a drenta informe di un incidente cu a tuma lugar na e Super Food den construccion na Bubali, mesora a dirigi ambulans na e sitio. Na yegada di ambulans a bin constata cu un boormachine lo a bora pecho di homber. E victima tabata tin un herida unda e hero a drenta mas di 4 centimeter di profundad y a keda draai den e homber su pecho. E Rapid Responder hunto cu personal di ambulance a yega na e sitio y a atende e victima y despues a transporte cu urgencia pa hospital.