Chofer a perde control y a bay dal den mata na Mondi Fierno

Diamars atardi a drenta informe di un accidente cu hende herida na Mondi Fierno, mesora a dirigi tanto polis como ambulans na e sitio. Na yegada di e patruya a bin compronde cu aki ta trata di un accidente cu a sosode na e bocht di Rooi Bosal unda e chofer lo a bira riba e crusada di Mondi Fierno pa Rooi Bosal bahando for di pariba y kizas e persona aki no conoce e caminda bon y a perde control den e bocht y ta drenta mondi dal den e mata nan. E imapcto tabata fuerte y e chofer a resulta levemente herida y tabata keha di dolor. Na yegada di ambulans nan a atende e chofer y a transporte pa hospital.