Polis a logra captura hobennan cu caha di placa y revolver carga cu bala cla pa tira

Diamars atardi polisnan hopi atento a logra captura 2 hoben cu tabata actuando sospechoso den auto y mesora a duna nan señal pa para y a logra para nan banda di DD Brakes na Paradera. Ora cu polis tabata atendiendonan a ripara nan actuacion tabata sospechoso y tabata hopi nervioso. Ora a controla nan tas a bin haya arma di candela cla pa tira y tambe tabata tin un caha di placa. Mesora a detene nan y a sigui revisa den e auto y a haya varios articulo probablemente procedente di ladronicia.