Na Tanki Leendert un dama chofer a bira dilanti di scooter y nan a dal den otro

Diahuebs merdia a drenta informe di un accidente na Tanki Leendert, mesora a dirigi un patruya na e sitio. Na yegada di e patruya abin compronde cu e dama chofer di e Hyundai Getz geel A22778 biniendo di nort a bay bira pa drenta Solito pero e no a duna preferencia na e Scooter di posterij cu tabata bayendo nort. Aunke e motociclista a dal abao e no tabata desea atencion di ambulans.