Polis a haya nan mes obliga pa detene dama Paranoid cu tabata papia coy loco

Diasabra madruga a drenta informe di cu tin un dama paranoid a yega na Valero Oranjestada y a cuminsa papia coy loco, mesora a dirigi un patruya na e sitio. Na yegada di e patruya a bin constata cu enberdad tabata tin un dama paranoid y tabata papia yen di cos bruha pero no por of no tabata kier a bisa ni ken e ta ni unda e ta biba. Nan a pidie pa e subi den e patruya cual instruccion si ela sigui sin ningun problema y a obedece, pero manera nan a puntre unda e ta biba of ken e ta, e dama ta papia di Dios y tambe di diabel. Pa su mesun seguridad y di otronan nan a pasa na warda di polis na Dakota unda eynan e wachtcommandant a puntre na varios ocasion y na diferente manera ken e ta of unda e ta biba, mesora locuranan tabata sali como respuesta.