Na Sabana Liber chofer di Altezza a core mucho duro y a tuma bocht te otro banda dal riba trafico contrario

Diadomingo madruga a drenta informe di un accidente na e bocht banda di Sabana Liber, mesora a dirigi un patruya na e sitio. Na yegada di e patruya a bin compronde cu e chofer di e Altezza A23722 tabata bayendo pabao cu hopi velocidad y a bay tuma e bocht mucho grandi y a bay dal riba e Suzuki Baleno Station Wagen A49468 cual tabata bayendo pariba. Aunke e impacto tabata fuerte afortunadamente ningun hende a resulta herida.