Chollernan ta sigui cu ladronicia, e biaha aki ta trata di e negoshi Collins cual a bira victima di ladronicia

Diadomingo anochi a drenta informe di cu tin chollernan hortando na boutique den Havenstraat, mesora a dirigi un patruya na e sitio. Na yegada di e patruya abin constata cu aki ta trata di e tienda Collins, segun nan a compronde dos choller a kibra e glas di e showcase y a bay cu dos reki di blusa, esaki a pasa pa mas o menos 9 or y mey, un mey ora prome cu security mester a cuminsa cuida na e tienda. E tienda aki nunca antes a pone tralie paso semper tin hopi movecion di auto y peaton pero actualmente e caya aki ta kibra y ta sera caba varios siman y e chollernan a probecha di e oportunidad aki. Nos por mira claramente cu e chollernan ta sigui domina comercio den Oranjestad.