Baby di menos di 2 aña a cana di Kurimiauw te Kamay sin ningun hende sa di unda e ta

Dialuna mainta a drenta informe di cu un mucha di 1 aña y apenas algun luna haya ta cana su so riba caminda di Kamay sin ningun hende sa ken of di unda e ta, mesora a dirigi un patruya na e sitio. Na yegada di e patruya a bin constata cu aki ta trata di un baby di menos di 2 aña cu tabata cana unicamente cu un pamper bisti memey di caminda y a bay para un rato bao di un mata. Ora cu patruya a tuma e criatura y a pone den auto pa bay warda di polis ta nota 2 homber ta busca un mucha desesperadamente, polis a acerca nan y a bin resulta cu nan ta omonan di e mucha. Segun un di e omonan e tata a separa for di e mama y e mama a bay traha y a laga e mucha cerca e 2 omonan cual un di nan a caba di traha madruga na casino y a bay drumi, mientras e otro omo a sali bay cumpra sigaria na un supermercado un poco leu. Pero e omo aki accidentalmente a laga e porta habri y e mucha a sali bay na pia sin cu ningun hende sa. Afortunadamente hendenan grandi y responsabel a sa di hibe cerca bisiñanan pa check pero ningun di nan no tabata sa di ken e mucha ta y a bati alarma na Centro di Alarma cual a avisa polis di e caso aki. Polis a duna e omonan e mucha pero a hala nan atencion pa e descuido.