Na San Miguel chofer no a duna preferencia y a tuma bocht chikito dal frontal riba pick-up

Diamars merdia a drenta informe di un accidente cu hende herida na San Miguel, mesora a dirigi tanto polis como ambulans na e sitio. Na yegada di e patruya abin compronde cu e chofer di e Chevrolet Aveo berde a tuma bocht cortico y no a para pa duna preferencia na e chofer di e pick-up y nan a dal frontal riba otro. Debi na e impacto fuerte aki den ambos vehiculo tabata tin hende herida. E chofer di e auto berde y tambe e pasajero di e pick-up a resulta herida. Na yegada di e ambulansnan nan a atende e victimanan y a transporta na pa hospital.