Na Moko un pick-up lastrando un trailer a pasa dal un ciclista, lague herida y a sigui core

Diamars anochi a drenta informe di un accidente cu hende herida na Moko, mesora a dirigi un patruya na e sitio. Na yegada di e patruya a bin compronde cu un pick-up preto lastrando un trailer a pasa dal un ciclista bente abao lague herida y a sigui core bay. Polis a nota e wiel di e bais a keda dobla mientras e ciclista a resulta levemente herida na su brasa y pia. E victima no tabata desea di ser atendi pa un ambulans.