En busca di e sospechoso cu a huy dialuna mainta, atraco team a tene un entrada hudicial

Relaciona cu un caso di atraco, kiebro y ladronicia cu a tuma dialuna mainta a detene 2 sospechoso di cual un di nan a logra huy cu boei na man, oficialnan di atraco team a haci un entrada hudicial na Bushiri na cas di e sospechoso cu a huy. Pero na e momentonan ey e no tabata na cas. Un advertencia serio a ser haci na su familiarnan pa e sospechoso entrega su mes na un di e wardanan di polis pa asina evita cu e team di arresto ser asigna pa buske unda cu ta.