Dama a sconde bao cama mientras ladron a kibra drenta horta na un cas na Pitastraat

Diaranzon mainta a drenta informe di cu un ladron lo a drenta y ta hortando den un cas na Pitastraat y e dama ta scondi den un otro camber, mesora a dirigi algun patruya na e sitio. Un rato despues a drenta informe di cu e sospechoso lo ta un homber flaco largo cu flanel creme y pechi creme sushi y a sali for di cas bayendo rumbo zuid. Na yegada di e patruya den e area nan a rondea rond pero no a encontre, ora nan a yega na e cas a bin compronde cu e ladron a bay unicamente cu un TV Plasma di e marca Samsung. Mirando cu e dama a bisa cu e ladron no a bay cu nada den su man a dicidi di rondea den e area y a bin logra haya e plasma tapa cu un pida paña. E investigadornan tecnico di polis a bay na e sitio pa asina tuma vingerprint di e sospechoso.