Ora a mira polis 2 ladron di auto a core sali for di auto horta drenta mondi banda di Veld di Heineken

Diaranzon mainta a drenta informe di cu tin un auto cu 2 persona sospechoso den dje banda di Veld di Heineken, mesora a dirigi un patruya na e sitio. Na yegada di e patruya a bin nota e vehiculo concerni pero esnan cu tabata den dje manera a nota polis a core drenta mondi. Ta trata aki di 2 hoben un bisti cu flanel blauw y e otro cu un flanel cora. Desafortunadamente polis a perde nan for di bista, mientras e auto si a ser confisca pa mas investigacion.