Ciclista a fractura su heup ora cu auto a dal e na Cashero

Diaranson anochi a drenta informe cu un auto lo a dal un ciclista riba e caminda di Cashero, mesora a dirigi tanto polis como ambulans na e sitio. Na yegada di e patruya abin compronde cu na altura di Cashero 23 un auto lo a dal un persona riba bicicleta y e ciclista ta herida. E auto mes cu a dal e ciclista a sigui core bay. Segun e ciclista a conta su amigonan cu e tabata riba su bicicleta ora cu segun e un Starlet color shinishi scur lo a pasa dal y sigi bay. E victima lo a fractura su heup, pero asina mes e tabata haci basta fastioso cu personal di Ambulance. E meneer aki probablemente tabata bao influencia tambe y na e momento ey e no tabata sinti cu su heup ta fractura. Despues di basta pleitamento e kiermen e mes ta lanta ela bin realisa cu e no por door cu e heup ta fractura. E ora ey dolor a dal e. Polis di trafico a presenta na e sitio y ta haña un spiel di e auto cu lo a hit & run.