Na Pos Abao a haya un persona di 34 aña sin bida, posiblemente lo por ta trata di un overdose.

Diaranzon anochi a drenta informe di cu na un cas na Pos Abao lo tin un persona cu no ta duna señal di bida, mesora a dirigi un patruya na e sitio. Na yegada di e patruya abin compronde cu enberdad e persona lo no ta duna señal di bida mas pero a solicita presencia di ambulans y dokter. Na yegada di dokter Mungra a a constata cu 9or y mey di anochi e persona J.E.F. di 34 aña no ta duna señal di bida mas y cu probablemente lo a fayece door di overdose.
Mesora a avisa tur instancia competente pa presenta na e sitio.
Na famianan di e fayecido ta bay nos mas sincero palabranan di condolencia.

Relato policial:

Pa mas o menos 8'or y mey di anochi Central di Polis ta haya un melding cu un persona lo no ta duna señal di bida na Pos Abou 21-C.

Patrouille di Oranjestad cu ta acudi na e sitio ta bin constata en berdad cu esaki ta e caso y tur autoridad competente ta wordo notifica y dirigi na e sitio pa investiga.

Pa mas o menos 21:30 Dr. Mungra ta constata fayecimento di e homber:

Jeffrey Emille Semerel
nasi na Aruba dia 22 di maart 1978
biba na Pos Abou 21-C.

E morto, segun informacion ta indica den direccion di un overdose. E caso ta bou investigacion.
Di parti di Cuerpo Policial ta manda condolencia pa famia di e fayecido.