Oranjestad a bira definitivamente Chollerstad, varios ladronicia den centro di Oranjestad ta sigui TUR DIA

Pa varios luna nos di awe24.com a wanta hopi di e publicacionnan relaciona cu kiebro y ladronicia den centro di Oranjestad unda comerciantenan y habitantenan di e capital di Aruba ta ser someti tur dia na kiebro cu ladronicia. Pero awor ta basta pasobra no por ta asina cu nos ta keda sin publica e berdad no pasobra nos kier pero pa motibo di e cantidad halto di e casonan aki cual nos no por bay cubri nan tur. Chollernan na lugar di a bira menos nan a bira mas y awor cu mas poder pasobra nos tin leynan di Kakiña cu ta dobla pa e chollernan y mesora nan ta den libertad atrobe. Nos tin un cuerpo policial cu ta traha cu hopi animo pero tin un ministerio publico y tambe un sistema hudicial cu tin cu traha cu un ley cual pueblo tur dia ta reclama pero parlamentarionan y ministronan (di justicia principalmente) cu a priminti pueblo un alivio pero no a haci ni un cambio na fabor di e pueblo cu a vota pa un cambio. E problema ta leynan hisa nan pa caba, pakiko un ley di belasting pa suta e pueblo si mesora boso ta core traha pero pa defensa di e pueblo boso no ta haci ni un donder. E expression aki ta fuerte pero ta basta cu tanto ladronicia asina y peor cu e criminalnan no ta haya castigo mes. Y si acaso nan haya castigo awor ta cuminda caro cu ta ser sirbi den avion nan ta haya.